Skipstjórinn heimsækir strandstaðinn
Setja bókamerki
Fyrrverandi skipstjóri skemmtiferðaskipsins Costa Concordia, Francesco Schettino, heimsækir á fimmtudag strandstað skipsins við eyjuna Giglio í fyrsta sinn frá því að skipið strandaði undir hans stjórn í janúar 2012.
Fram kemur í frétt AFP að heimsóknin sé hluti af málaferlunum gegn honum en 32 létu lífið þegar Costa Concordia strandaði. Verjandi Schettinos hafi óskað eftir því að umbjóðandi sinn fengi að fara á strandstaðinn með hópi sérfræðinga sem starfa fyrir dómstólinn. Dómarinn í málinu samþykkti það í dag. Dómarinn sagði að skipstjórinn fyrrverandi fengi að vera viðstaddur en ekki skipta sér af starfi sérfræðinganna.
Schettino er sakaður um manndráp og að hafa yfirgefið skemmtiferðaskipið áður en farþegar höfðu komist frá borði. Skipherrann fyrrverandi hefur sagt að hann hafi dottið ofan í einn af björgunarbátunum og hafi síðan ákveðið að stýra flutningi farþega úr skipinu frá landi fremur en um borð í skipinu.
„Ég er bara vongóður“
Ný könnun: Sjálfstæðisflokkur dalar enn
Erfiðara mun reynast að verja Svartsengi
Víðir gerir upp mistök frá covid-tímanum
Engin læknisþjónusta á heilsugæslunni í verkfalli
Skúli sýknaður en 780 milljóna greiðslum rift