Það væri ekkert stórmál fyrir Rússa þó að þeim yrði vísað úr G8-ríkjahópnum sem telur átta helstu efnahagsveldi heimsins. Þetta sagði Sergei Lavrov, utanríkisráðherra Rússlands, í dag. Rætt hefur verið um þann möguleika að reka Rússa úr G8-hópnum vegna innlimunar þeirra á Krímskaga í Rússland.

„Ef félagar okkar á Vesturlöndum halda að þetta fyrirkomulag eigi ekki við lengur þá er það bara þannig. Í öllu falli erum við ekki að reyna að halda í það og það væri ekkert stórmál fyrir okkur þó að G8-ríkin hættu að hittast,“ sagði Lavrov við fréttamenn eftir að hafa fundað með John Kerry, utanríkisráðherra Bandaríkjanna, og starfandi utanríkisráðherra Úkraínu, Andrij Destsjítsja, í Haag í Hollandi.

Á meðan Lavrov ræddi við fréttamenn funduðu forystumenn G7-ríkjanna, Bandaríkjanna, Japans, Þýskalands, Ítalíu, Frakklands, Kanada og Bretlands, skammt frá þar sem rætt var um hvort grípa ætti til frekari refsiaðgerða gegn Rússum vegna framgöngu þeirra.

Tengdar fréttir

Úkraína

Mögulegar samningaviðræður en ekki við Selenskí

• Enginn úr ríkisstjórn Trumps verið í sambandi við Rússa
• Yfirgefi svæðin þegar í stað
• Rússar telja ekkert nýtt felast í hótunum Trumps
• Trump segir Rússa mega búast við frekari aðgerðum

» Fleiri tengdar fréttir

• Blogga um frétt