Tímaritið Closer þarf að greiða frönsku leikkonunni Julie Gayet 15 þúsund evrur í skaðabætur, eða 2,3 milljónir íslenskra króna. Hún höfðaði skaðabótamál gegn tímaritinu fyrir að hafa brotið gegn friðhelgi einkalífs hennar með birtingu fréttar og mynda af henni og forseta Frakklands, François Hollande.

Gayet fór fram á 50 þúsund evrur í skaðabætur, 7,7 milljónir íslenskra króna, og fjögur þúsund evrur í málskostnað. Þá þarf tímaritið einnig að birta dóminn á forsíðu blaðsins.

Closer birti ítarlegar fréttir af því að Hollande hefði haldið við Gayet í tvö ár og í kjölfarið slitu hann og sambýliskona hans til margra ára, Valérie Trierweiler, samvistir.

Meðal annars fylgdu með ljósmyndir af Hollande laumast á fund hennar um miðja nótt á skellinöðru.

Tengdar fréttir

Hollande og ástarmálin

Hryðjuverk og ástarmál í forsetatíð

• Of kynþokkafull fyrir forsetann
• Hollande og Gayet enn saman?
• Gerir kvikmynd um ástarsambandið
• Hollande og Gayet saman í höllinni

» Fleiri tengdar fréttir

• Blogga um frétt