Beittu táragasi á mótmælendur

Um 150 mótmælendur kveiktu í rusli á götunni og lét lögreglan þá til skarar skríða þar sem um tuttugu óeirðalögregluþjónar þurftu að beita höggsprengjum og táragasi til þess að dreifa mótmælendunum. Lögreglan réðst einnig gegn 70 lestarstarfsmönnum sem fóru inn í lestarstöð í þeim tilgangi að fá yfirmenn sína til að taka þátt í verkfallinu.

Mómælendur voru ekki lengi að hópa sig saman á nýjan leik og hrópuðu: „Það verður engin keppni, það verður verkfall!“

Um eitt þúsund manns voru mættir til þess að taka þátt í mótmælunum en mannfjöldinn gekk fylktu liði að samgöngustofnuninni veifandi rauðum borðum, berjandi á trommur og blásandi í vuvuzela-lúðra.

Mótmælendur styðja verkfall lestarstarfsfólksins sem lagði niður vinnu fyrir fimm dögum. Verkfallið hefur valdið töluverðum truflunum í aðdraganda heimsmeistarakeppninnar og er líklegt til þess að valda truflunum á fimmtudag þegar opnunarleikur mótsins fer fram á milli Brasilíumanna og Króata.

Starfs­menn­irn­ir héldu at­kvæðagreiðslu í gær og kusu að halda verk­fallsaðgerðum áfram þrátt fyr­ir að dóm­ur hafi fallið í gær þar sem kveðið er á um dag­sekt­ir á starfs­menn ef verk­fall­inu verður haldið áfram. Sekt­in hljóðar upp á 222 banda­ríkja­dali.