Ritstjórinn fékk átján mánaða fangelsisdóm
Setja bókamerki
Andy Coulson, fyrrverandi ritstjóri götublaðsins sáluga News of the World og fyrrverandi aðstoðarmaður breska forsætisráðherrans, Davids Camerons, hefur verið dæmdur í átján mánaða fangelsi fyrir þátt sinn í símhlerunarhneykslinu.
Coulson var fundinn sekur í júní um að hafa lagt á ráðin í hlerunarmálinu, þar sem m.a. var brotist inn í talhólf frægra einstaklinga. Refsing hans var kveðin upp í dag.
Réttarhöldin í málinu stóðu yfir í átta mánuði.
Fyrrverandi fréttastjóri News of the World, Greg Miskiw blaðamaðurinn Neville Thurlbeck fengu sex mánaða dóm. Einkaspæjarinn Glenn Mulcaire fékk einnig sex mánaða dóm, en hann var skilorðsbundinn.
Fjórmenningarnir játuðu aðkomu sína að málinu.
Cameron neyddist í síðustu viku til að biðjast opinberlega afsökunar í kjölfar þess að Coulson var fundinn sekur.
Gosið gæti varað lengur: Meiri fyrirstaða í gosrásinni
Hraunið náð Njarðvíkuræð: Fylgjast með raflínu
Myndir: Grindavíkurvegur aftur undir hraun
Átti ekki að láta pirring bitna á sjúklingi
Mjög alvarlegt ef Njarðvíkuræð gefur sig
Tekist á um áður óþekkta skýrslu landlæknis
Erlendir miðlar greina frá tíunda gosinu