Staðfest hefur verið að flugvél Air Algerie hrapaði, líklega í Sahara-eyðimörkinni. Vélin var á leið frá Burkina Faso til Alsír. 116 voru um borð, 110 farþegar og sex manna áhöfn, allt Spánverjar. Að minnsta kosti tíu börn voru meðal farþega.

Áhöfnin var starfsfólk spænska flugfélagsins Swiftair sem einnig átti vélina en leigði hana til alsírska flugfélagsins. Franskar orrustuþotur leita nú flaks vélarinnar. 

Þetta hefur Reuters fréttastofan eftir alsírskum flugmálayfirvöldum.

 „Ég get staðfest að vélin hrapaði,“ hefur Reuters eftir starfsmanni alsírskra flugmálayfirvalda. Samband við vélina rofnaði er hún var á flugi yfir Malí, um fimmtíu mínútum eftir flugtak. Stríðsástand hefur ríkt mánuðum saman í norðurhluta Malí.

Enn er á huldu hvað orsakaði hrapið og hvort að einhver hafi komist lífs af. Vélin er af tegundinni MD-83. Slík vél er með sæti fyrir rúmlega 160 farþega. 

Vitað er að flugmenn voru í sambandi við flugumferðarstjórn í Níger og var ákveðið að breyta flugleið vélarinnar vegna veðurs. Ýmist kemur fram að það hafi verið að frumkvæði flugmannanna eða flugumferðarstjórnar. 

Flugfélagið segir að 51 Frakki hafi verið meðal farþega. 27 voru frá Burk­ina Faso, átta frá Líb­anon, sex frá Als­ír, fjórir Þjóðverjar og tveir frá Lux­em­borg. Þá voru Belgi, Sviss­lend­ing­ur, Egypti, Úkraínumaður, Kamerúni, Malímaður, Níg­er­íumaður og Rúm­eni einnig um borð.

AFP

Tengdar fréttir

Flugvél Air Algerie hrapaði

Flytja líkamsleifarnar til Ástralíu

• Farþegar MH17 jarðsettir
• Fórst eftir að hafa misst hraða
• Von á fyrstu niðurstöðum í dag
• Gæti tekið ár að bera kennsl á líkin

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Vélin hrapaði í eyðimörkinni//Þetta er ennþá í skoðun en samt …