Foreldar Reeva Steenkamp, sem spretthlauparinn Oscar Pistorius skaut til bana á seinasta ári hafa nú harðlega gagnrýnt dóminn yfir Pistorius sem var kveðinn upp í gær.

Var Pistorius dæmdur fyrir manndráp en ekki fyrir morð.

Dóm­ar­inn, Tho­kozile Masipa, sagði við dóms­upp­kvaðning­una í gær að Pistorius hafi sýnt af sér víta­vert gá­leysi er hann skaut á baðher­berg­is­h­urð íbúðar­ sinnar á Valentínusardag 2013. Taldi Pistorius að inn­brotsþjóf­ur væri inni á baðher­berg­inu en Steenkamp var þar inni  og lést hún af völd­um skotsár­anna.

Masipa sagði hins veg­ar í gær að ekki væri sannað að hann hafi ætlað sér að myrða Steenkamp og því var hann ekki dæmd­ur fyr­ir morð að yf­ir­lögðu ráði.

Pistorius er laus gegn tryggingu þar til refsing hans verður kveðin upp í næsta mánuði.

Í samtali við fréttastofuna NBC sögðu foreldrar Steenkamp að réttlætinu hefði ekki verið framfylgt. June og Barry Steenkamp sögðust varla trúa því að kviðdómurinn hafi trúað sögu Pistorius. „Þessi dómur er ekki sanngjarn,“ sagði June. „Ég vil bara sannleikann. Reeva dó hræðilegum dauðdaga. Hann skaut í gegnum hurðina og ég get ekki trúað því að þeir trúi að það hafi verið slys.“

Aðspurð um hvað þau vonist eftir að Pistorius fái langan dóm sögðu þau það ekki skipta máli, skaðinn er hvort eð er skeður. „Mér er alveg sama hvað verður um Oscar,“ sagði June. „Það breytir engu þar sem að dóttir mín kemur aldrei aftur. Hann er enn á lífi en hún er farin. Að eilífu.“

Umfjöllun NBC má sjá hér.

Oscar Pistorius og Reeva Steenkamp AFP

Tengdar fréttir

Oscar Pistorius

Pistorius laus úr fangelsi

• Mótfallin reynslulausn Pistorius
• Pistorius í 13 ára fangelsi
• Segir dóminn „fáránlega vægan“
• Fjölskylda Pistorius ósátt

» Fleiri tengdar fréttir

• Blogga um frétt