Saksóknarar í Suður-Kóreu fóru í morgun fram á dauðarefsingu yfir skipstjóra ferjunnar sem hvolfdi og sökk í apríl.

Þeir segja að hann hafi yfirgefið rúmlega 300 manns sem létu lífið. Þá fara þeir einnig fram á að þrír úr áhöfninni hljóti lífstíðardóm.  

Skipstjórinn er sagður hafa yfirgefið skipið án þess að gera tilraun til að bjarga farþegunum. Þá segja saksóknarnir að hann hafi gripið til afsakana og lyga og ekki sýnt iðrun og því væri farið fram á dauðarefsingu.

Sjálfur hefur skipstjórinn sagt að hann eigi skilið að vera tekinn af lífi fyrir brot sitt. 

476 farþegar voru um borð í ferjunni sem sökk hinn 16. apríl. sl. Aðeins 174 lifðu af.

Tengdar fréttir

Ferjuslys í Suður-Kóreu

Reyndust ekki mannabein

• Níu lík í ferjunni þremur árum eftir að hún sökk
• Reyna að ná ferjunni úr sjónum
• Lífstíðarfangelsi fyrir morð staðfest
• Skipstjórinn dæmdur í lífstíðarfangelsi

» Fleiri tengdar fréttir

• Blogga um frétt