Konstantin Dolgov, sendierindreki mannréttindamála í utanríkisráðuneyti Rússlands hefur nú fordæmt meintar pyntingar CIA á föngum á valdatíð George W. Bush. 

Í nýrri skýrslu CIA koma fram nýjar upplýsingar um harkalegar aðferðir CIA og pyntingar á föngum til ársins 2009. Pyntingarnar voru til að mynda notaðar á meinta meðlimi Al-Kaída. Barack Obama, forseti Bandaríkjanna, hefur fordæmt pyntingarnar og sagt þær vera öf­ug­verk­andi og gengið gegn banda­rísk­um gild­um.

„Innihald skýrslunnar er átakanlegt,“ sagði Dolgov um skýrsluna. „Þetta er sönnun á þeim grófur kerfisbundnu brotum á mannréttindum sem bandarísk yfirvöld stunda.“

Sagði hann jafnframt að svona upplýsingar ættu ekki vel við Bandaríkin „sem þykist vera fyrirmyndar lýðræðisríki. Það er langt frá raunveruleikanum,“ sagði hann í yfirlýsingu. 

Hann bætti því við að flest atriði skýrslunnar væru enn óbirt og hvatti alþjóðleg mannréttindasamtök og aðgerðasinna til þess að þrýsta á Bandaríkin til þess að gefa út allar upplýsingarnar. 

Samkvæmt skýrslunni voru svo­nefnd vatns­brettaaðferð, bar­smíðar, niður­læg­ing, kæl­ing og svefntrufl­an­ir meðal pyntingaaðferða CIA. 

Tengdar fréttir

Al-Qaeda

„Bandaríski talibaninn“ látinn laus

• Lífverði Bin Laden vísað úr landi
• Sérsveitarmenn réðust á liðsmenn al-Qaeda
• 1,2 milljónir dollara bætur fyrir drónaárás
• Al-Qaeda hótar Bill Gates

» Fleiri tengdar fréttir

• Blogga um frétt