Farþegaþota AirAsia reis of hratt skömmu áður en hún drap á sér með þeim afleiðingum að hún fórst. Þetta segir samgönguráðherra Indónesíu. Alls fórust 162 með vélinni.

Ignasius Jonan, ráðherra samgöngumála, sat fyrir svörum indónesískrar þingnefndar. Hann segir að vélin hafi hækkað flugið mjög hratt, eða sem man 1.828 metrum á mínútu. Jonan sagði að það væri ólíklegt að herþota myndi reyna að hækka flugið svo hratt.

Engin komst lífs af þegar farþegarþótan, sem var af gerðinni Airbus A320-200, fórst 28. desember sl. í Jövuhafi. Hún var að fjúga frá Surabaya í Indónesíu til Singapúr. Brak vélarinnar dreifðist yfir stórt svæði og enn eru unnið að því að sækja lík í hafið. 

Í síðustu viku fannst flugriti farþegaþotunnar og hljóðupptökutæki sem er að finna í stjórnklefa þotunnar. 

Búið er að finna bol flugvélarinnar, þar sem talið er að finna flest lík, og hafa björgunarsveitir verið sendar á stað til að sækja hann. 

Tengdar fréttir

AirAsia þota hrapaði

Bilun í stýrikerfi stór þáttur

• Hætta leit að farþegum vélar AirAsia
• Vél AirAsia snúið við vegna bilunar
• Aðstoðarflugmaðurinn var við stýrið
• Of upptekinn til að senda neyðarkall

» Fleiri tengdar fréttir

• Blogga um frétt