Dómsmálaráðherra Danmerkur, Mette Frederiksen, hefur tilkynnt að hún muni biðja opinbera aðila þar í landi um að tileinka sér ákveðin atriði til að berjast gegn aukinni róttækni og herða fyrirkomulag um skilorðsrefsingar.

Áætlun hennar felur í sér viðræður við yfirvöld fangelsis- og skilorðsmála, og tekur til ellefu mismunandi atriða þar sem hún telur að bóta sé þörf. Kemur hún í kjölfar bráðabirgðarannsóknar á samskiptum opinberra aðila við Omar El-Hussein, Dana af palestínskum uppruna, sem myrti tvo og særði sex manns í skotárás um miðjan febrúar.

Talið er að hann hafi snúist til ofstækis í fangelsi og var hann leystur úr haldi aðeins tveimur vikum áður en árásirnar áttu sér stað. Beinist áætlunin að því að hindra að slíkt geti endurtekið sig.

Tengdar fréttir

Skotárás í Kaupmannahöfn

Kveikt í verki Lars Vilks

• Sluppu með minni sakir
• Fjórir Danir sýknaðir vegna árásar
• Fékk morðvopnið í hendurnar
• Lærðu mikið af hryðjuverkunum

» Fleiri tengdar fréttir

• Blogga um frétt