Raffaele Sollecito, fyrrverandi kærasti Amöndu Knox, vill að mál hans verði tekið fyrir að nýju og þá verði það aðskilið máli Knox. Sollectio og Knox voru fundin sek fyrir morðið á hinni bresku Meredith Kercher í fyrra en hún var myrt í Perugia árið 2007. Málinu var áfrýjað til Hæstaréttar á Ítalíu og er von á niðurstöðu síðar í dag.

Verði dómurinn staðfestur og Sollecito fundinn sekur er hugsanlegt að hann verði handtekinn þegar í stað og færður í fangelsi en hann mætti til dómshússins í morgun, ólíkt Knox sem er enn í Bandaríkjunum, ásamt kærustu sinni og föður.

Knox var á síðasta ári dæmd til 28 og hálfs árs fangelsisvitar en Sollecito til 25 ára. „Það á ekki að dæma Sollecito fyrir morð sem hann framdi ekki, aðeins vegna þess að hann átti í stuttu ástarsambandi við Amöndu Knox,“ sagði frænka Sollecito í skriflegu svari til Guardian.

Lögmaður Knox sagði fyrir dómnum í morgun að það hefði engin áhrif á skjólstæðing sinn ef mál ef mál Sollecito og Knox yrðu aðskilin og tekin upp að nýju. Í samtali við fjölmiðla áður en réttarhaldið hófst sagðist lögmaðurinn hafa rætt við Knox í gærkvöldi. Hún væri áhyggjufull vegna niðurstöðunnar sem er að vænta í dag. 

Tengdar fréttir

Amanda Knox

Dæmd, sýknuð og dæmd

• Amanda Knox á von á öðru barni
• Biður um pening fyrir geimbrúðkaup
• Amanda Knox óttast árásir á Ítalíu
• Amanda Knox snýr aftur til Ítalíu

» Fleiri tengdar fréttir

• Blogga um frétt