Vicky Balch, 19 ára, er lífshættulega slösuð eftir rússíbanaslysið í Alton Towers-skemmtigarðinum í Staffordshire á þriðjudag. Skemmtigarðinum var lokað í kjölfar slyssins og nú hefur þremur tækjum til viðbótar í öðrum görðum eiganda Alton Towers einnig verið lokað.
Balch var fremst í rússíbanavagninum þegar hann lenti á kyrrstæðum prufuvagni. Fjórir voru fluttir á sjúkrahús með alvarlega áverka á fótum.
<iframe allowfullscreen="" frameborder="0" height="315" src="https://embed.theguardian.com/embed/video/travel/video/2015/jun/02/alton-towers-smiler-rollercoaster-crash-video" width="560"></iframe><div id="embedded-remove"> </div>Eftirlitsaðilar hafa bannað eigendum garðsins að opna umrætt tæki, Smiler, þar til gripið hefur verið til aðgerða til að koma í veg fyrir að hörmulegt slysið endurtaki sig. Þá var þremur öðrum tækjum, í tveimur skemmtigörðum í Surrey, jafnframt lokað þar til nýjar og endurbættar öryggisreglur hafa verið teknar í gagnið.
Ákvörðunin um að loka tækjunum þremur í Chessington World of Adventures og Thorpe Park var tekin af eiganda garðanna, Merlin Entertainment. Framkvæmdastjóri fyrirtækisins sagði að slysið hefði ekki átt að eiga sér stað og menn væru staðráðnir í því að koma í veg fyrir endurtekningu.
Aðrir alvarlega slasaðir voru Daniel Thorpe, 27 ára, Joe Pugh, 18 ára, og Leah Washington, 17 ára.
Ítarlega frétt um málið má finna hjá Guardian.