Joyce Mitchell, sem er ákærð fyr­ir að hafa aðstoðað fang­ana tvo sem sluppu úr fang­elsi í New York í Banda­ríkj­un­um fyr­ir tæpum tveimur vikum, hafði beðið þá um að myrða eiginmann sinn þegar þeir kæmust út.

Mitchell starfaði í fang­els­inu sem sauma­kona. Hún er sökuð um að hafa smyglað verk­fær­um til fang­anna. Þeir Rich­ard Matt og Dav­id Sweat notuðu verk­fær­in til þess að brjót­ast út úr fang­els­inu og hef­ur leit staðið yfir af þeim í ellefu daga. Rann­sókn máls­ins hef­ur beinst að Mitchell eft­ir að í ljós kom að hún ætti mögu­lega í ást­ar­sam­bandi við Matt.

Saksóknari staðfesti það á blaðamannafundi í dag að Mitchell hafi beðið mennina um að myrða eiginmann sinn, Lyle Mitchell, sem einnig starfar í fangelsinu. Þá sagði hann jafnframt að Lyle hafi ekkert vitað um áform hennar né hjálpað henni við þau eins og haldið var í upphafi.

Rann­sókn­ar­menn hafa gefið í skyn að Mitchell hafi verið heilluð af föng­un­um og samþykkt að sækja þá í bíl þegar þær væru komn­ir fyr­ir utan veggi fang­els­is­ins. Hún skipti þó um skoðun og fór á sjúkra­hús vegna kvíðak­asts dag­inn sem fang­arn­ir sluppu. Hún var handtekin þann 12. júní.

Fyrri frétt­ir mbl.is:

Saumakonan neitar sök

Sauma­kon­an út­vegaði verk­fær­in

„Hún hélt að þetta væri ást“

Sáu morðingj­ana í garðinum 

Strokufang­arn­ir gætu hafa fengið aðstoð

Tengdar fréttir

Strokufangar í New York

Lifir með eftirsjá á degi hverjum

• Vildi „bjarga fjölskyldunni“
• Strokufanginn var ölvaður
• „Ég festist í draumaheimi“
• Játar að hafa aðstoðað strokufangana

» Fleiri tengdar fréttir

• Blogga um frétt