Abdullah bin Laden, sonur Osama bin Ladens, óskaði eftir því að bandarísk stjórnvöld afhentu honum dánarvottorð föður síns eftir að bandarískir hermann myrtu hann.

Þetta er á meðal þess sem fram kemur í skjölum sem Wikileaks birti í gær. Wikileaks birti á netinu um sjötíu þúsund skjöl sem tengjast öll með einum eða öðrum hætti Sádi-Arabíu, að því er talið er.

Glen Keiser, ræðismaður Bandaríkjanna í Sádi-Arabíu, skrifaði undir svarbréfið til sonar bin Ladens sem var sent í septembermánuði árið 2011, um fjórum mánuðum eftir að faðir hans var drepinn þar sem hann dvaldi í Pakistan.

Í bréfinu kemur fram að dánarvottorð bin Ladens sé ekki til samkvæmt venju. Ekki hafi tíðkast að gefa út dánarvottorð fyrir fólk sem hafi fallið í hernaðaraðgerðum.

Hins vegar lét Keiser Abdullah í té dómsskjöl sem sýndu fram á að faðir hans hefði fallið í árás bandaríska hersins.

Tengdar fréttir

Al-Qaeda

„Bandaríski talibaninn“ látinn laus

• Lífverði Bin Laden vísað úr landi
• Sérsveitarmenn réðust á liðsmenn al-Qaeda
• 1,2 milljónir dollara bætur fyrir drónaárás
• Al-Qaeda hótar Bill Gates

» Fleiri tengdar fréttir

• Blogga um frétt