Lars Løkke Rasmussen, leiðtogi Venstre í Danmörku, hefur gefist upp á að reyna að mynda meirihlutastjórn í landinu með stuðningi borgaralegu flokkana sem saman mynda bláu blokkina. Þetta eru flokkarnir Venstre, Danski þjóðarflokkurinn, Samtök frjálslyndra og Íhaldsflokkurinn. 

„Ég hef nú rætt við alla flokkana á þinginu og hef komist að þeirri niðurstöður að það er ómögulegt að mynda meirihlutastjórn,“ sagði hann við fjölmiðla í dag. 

„Ég hef fundið fyrir jákvæðri stemningu á meðal allra flokka um breitt samstarf. Meirihlutaríkisstjórn fengi afar lítið svigrúm til aðgerða,“ bætti hann við. 

Á morgun mun Rasmussen ganga á fund drottningarinnar og greina frá því að hann hafi í huga að mynda minnihlutaríkisstjórn. 

Óvíst er hvernig slík ríkisstjórn yrði og hvaða flokkar væru með í spilum. Anders Langballe, pólitíski ritstjóri TV2 segir að Venstre gætu endað einir í minnihlutastjórn. 

Tengdar fréttir

Þingkosningar í Danmörku 2015

Danskur ráðherra segir af sér

• Hvað á þingmaðurinn eiginlega við?
• Ríkisstjórn með 34 þingmönnum
• Ný ríkisstjórn tekin við í Danmörku
• Gengur á fund Danadrottningar

» Fleiri tengdar fréttir

• Blogga um frétt