Lars Løkke Rasmus­sen, formaður Venstre, sagðist í kvöld ætla að mynda minnihlutastjórn í Danmörku, skipaða eingöngu ráðherrum úr röðum Venstre. Hann sagðist ekki hafa náð samkomulagi við Danska þjóðarflokkinn, sigurvegara kosninganna, um myndun meirihlutastjórnar. Stjórnarmyndunarviðræðurnar hefðu farið út um þúfur.

„Tilfinningin mín eftir viðræðurnar í kvöld er sú að það væri hægt að mynda ríkisstjórn Venstre undir minni stjórn, sem mun njóta stuðnings þingsins,“ sagði hann við danska fjölmiðla í kvöld.

Rasmussen er verðandi forsætisráðherra Danmerkur þrátt fyrir að flokkur hans hafi beðið afhroð í þingkosningunum 18. júní síðastliðinn. Flokkurinn var sá þriðji stærsti og hlaut 19,5% atkvæða. Danski þjóðarflokkurinn er sig­ur­veg­ari kosn­ing­anna og bætti miklu fylgi við sig - fór það úr 12,3% í 21,1%. Flokk­ur­inn hef­ur hins veg­ar lagt áherslu á að hann fari ekki í stjórn nema hann fái mik­il áhrif inn­an henn­ar.

Danski þjóðarflokkurinn vill einnig auka ríkisútgjöld um 0,8% á meðan Venstre vill halda þeim óbreyttum. 

Ljóst er að staða ríkisstjórnar Venstre yrði veik á danska þinginu, þar sem flokkurinn hefur aðeins 24 þingmenn af 179.

Rasmussen sagðist ætla að ganga á fund Margrétar Þórhildar Danadrottningar á sunnudaginn og kynna fyrir hana áformin. Drottningin hafði áður beðið Rasmussen um að kanna möguleikann á að mynda meirihlutastjórn.

Hann gafst hins vegar upp á því eftir að hafa rætt við formenn allra borgaralegu flokkanna sem sam­an mynda bláu blokk­ina. Þetta eru flokk­arn­ir Ven­stre, Danski þjóðarflokk­ur­inn, Sam­tök frjáls­lyndra og Íhalds­flokk­ur­inn. 

Tengdar fréttir

Þingkosningar í Danmörku 2015

Danskur ráðherra segir af sér

• Hvað á þingmaðurinn eiginlega við?
• Ríkisstjórn með 34 þingmönnum
• Ný ríkisstjórn tekin við í Danmörku
• Gengur á fund Danadrottningar

» Fleiri tengdar fréttir

• Blogga um frétt