Mótmælandi klifraði upp fánastöng fyrir framan þinghúsið í bænum Charleston í Suður-Karólínu í Bandaríkjunum í dag og fjarlægði suðurríkjafánann umdeilda.

Konan var handtekin um leið og hún kom sér niður níu metra fánastöngina. Var annar fáni hengdur upp um klukkutíma síðar.

Myndir af lögreglumönnum handtaka konuna hafa farið eins og eldur í sinu um samfélagsmiðlana og hafa fjölmargir tjáð sig um málið á Twitter undir myllumerkinu #FreeBree.

Þrjátíu ára gamall karlmaður var auk þess handtekinn, en þau eru bæði frá Norður-Karólínu. Lögreglan hefur ákært þau fyrir að „eyðileggja minnisvarða“.

Fyr­ir sum­um er suður­ríkja­fán­inn tákn­mynd þess hat­urs sem brot­ist hef­ur út í banda­rísku sam­fé­lagi með reglu­legu milli­bili, nú síðast í Char­lest­on vegna voðaverkanna sem þar voru framin fyrr í mánuðinum. Það fer því fyr­ir brjóstið á mörg­um að sjá fán­ann enn við hún við þing­hús rík­is­ins. Hafa fjölmargir stigið fram og mót­mælt fánan­um og krafist þess að notk­un hans verði hætt.

Suður­ríkja­fán­inn var fáni ríkja­sam­bands­ins í suðri sem sagði sig úr Banda­ríkj­un­um árið 1861. Marg­ir hafa í gegn­um árin bar­ist fyr­ir því að notk­un hans verði hætt, þar sem hann hef­ur oft verið tengd­ur við kynþátta­hat­ur.

"I am coming down. I am prepared to be arrested." ~@BreeNewsome Wow. This is a phenomenal woman. Wow. #FreeBree https://t.co/viKktAPbXl

— Michael Skolnik (@MichaelSkolnik) June 27, 2015

Tengdar fréttir

Fjöldamorð í Charleston

Segir nauðsynlegt að skipta um forseta

• „Þú ert mesta skræfa sem ég hef séð“
• Fyrirgefur morðingja sonar síns
• Fann til með foreldrunum
• Fjöldamorðingi dæmdur til dauða

» Fleiri tengdar fréttir

• Blogga um frétt