Rústir blasa við í kínversku borginni Tianjin nú þegar morgunsólin er að koma upp og gríðarleg eyðilegging kemur í ljós. Heilu húsin er gjörónýt og einhver hafa hrunið í sprengingunum tveimur sem urðu í kvöld, eða um 23:30 að kínverskum tíma.
Blaðamaður LA Times í Peking, Julie Makinen, birtir þessar myndir á Twitter, en þar má sjá brunna byggingu og hundruð bíla sem urðu eldi að bráð.
Photos from aftermath of #tianjin #china explosion show dozens of cars incinerated. pic.twitter.com/wcKljaEPlQ
— Julie Makinen (@JulieMakLAT) August 12, 2015
Þá segir hún einnig að hún hafi rætt við tvo menn sem komust lífs af úr byggingu sem hrundi, en tvö þúsund manns voru í byggingunni með þeim.
Two workers injured in Tianjin explosion when blgd collapsed on them. 2000 workers were in building with them. pic.twitter.com/y16IBxor3P
— Andrew Jacobs (@AndrewJacobsNYT) August 12, 2015
Opinberar tölur yfir mannfall vegna slyssins eru að 13 hafi látist og á bilinu 300-400 hafi særst, en ljóst er að þær gætu hækkað mikið á næstu klukkustundum.
Sjá má fleiri myndir frá fréttastofu í Peking hér, en þar sjást hús sem eru hrunin eða að hruni komin og sú eyðilegging sem blasir við.