Maður vopnaður byssu særði þrjá farþega lestar sem var á ferð í norðurhluta Frakklands áður en aðrir farþegar yfirbuguðu hann í dag. Tvö fórnarlambanna eru sögð alvarlega særð en að minnsta kosti eitt þeirra varð fyrir skoti. Árásarmaðurinn er einnig sagður hafa verið vopnaður hnífum.

Samkvæmt upplýsingum franska lestarfyrirtækisins SNCF átti árásin sér stað í Thalys-hraðlest nærri bænum Arras í norðurhluta Frakklands. Lestin var á ferð á milli Amsterdam og Parísar. Árásarmaðurinn var handtekinn á lestarstöð bæjarins.

Dagblaðið Voix du Nord segir að tveir þeirra særðu hafi hjálpað til við að yfirbuga árásarmanninn. Franska innanríkisráðuneytið segir að Bernard Cazeneuve, innanríkisráðherra, sé á leið til Arras vegna árásarinnar, að því er kemur fram í frétt breska ríkisútvarpsins BBC.

Tengdar fréttir

Byssumaður yfirbugaður í lest

Lagður inn á sjúkrahús rétt fyrir vitnaleiðslur

• Hetjur leika sjálfa sig í mynd Eastwood
• Par ákært fyrir að aðstoða hryðjuverkamann
• 4 handteknir vegna árásar í lest
• Handtóku 6 í tengslum við árás í lest

» Fleiri tengdar fréttir

• Blogga um frétt