Samstarfsmenn fréttamannanna tveggja sem létu lífið í skotárás í Virgínu ríki Bandaríkjanna í morgun hafa í dag minnst þeirra með hlýju og virðingu. Eins og fram kom á mbl.is voru frétta­kon­an Al­i­son Par­ker og upp­tökumaður­inn Adam Ward, að störfum við fréttaflutning í verslunarmiðstöð þegar þau voru skotin. Bæði Parker og Ward áttu í ástarsambandi við samstarfsmenn á stöðinni.

Fyrri frétt mbl.is: Fréttakona og upptökumaður myrt

„Þessi missir mun óma um gangana í langan langan tíma er við minnumst þess hversu einlæga fréttamennsku þau stunduðu og hversu frábærir fréttamenn þau voru,“ sagði framkvæmdarstjóri sjónvarpsstöðvarinnar WDBJ7, Jeffrey Marks í samtali við USA Today. „Þau voru bara að vinna vinnuna sína í dag.“

Lögregla vinnur enn að því að ná byssumanninum. Að sögn Marks lítur út fyrir að Ward hafi verið skotinn fyrst en Parker þegar hún reyndi að flýja. Hann greindi jafnframt frá því að Ward hafi verið trúlofaður framleiðanda fréttaþáttarins sem var í vinnunni þegar árásin hófst og þurfti að fylgjast með hryllingnum í beinni útsendingu.

Þar að auki hefur fréttaþulurinn Chris Hurst, greint frá því að hann og Parker hefðu verið í sambandi og hefðu byrjað að búa saman nýlega. „Hún var með mestu útgeislun sem ég hef séð. Einhverja hluta vegna elskaði hún mig líka. Hún elskað fjölskyldu sína, foreldra og bróður,“ skrifaði Hurst á Twitter. Seinna skrifaði hann einnig að Parker og Ward hefðu unnið saman daglega. „Þau voru teymi. Ég er miður mín fyrir hönd unnustu hans.“

We didn't share this publicly, but @AParkerWDBJ7 and I were very much in love. We just moved in together. I am numb. pic.twitter.com/tUrHVwAXcN

— Chris Hurst (@chrishurstwdbj) August 26, 2015

Tengdar fréttir

Fréttamenn myrtir í Virginíu

Eðlisávísunin bjargaði henni

• Var skotin í bakið og missti nýra
• „Maður heldur alltaf að botninum sé náð“
• Byssan stóð á sér
• Hætta sölu á öflugum rifflum

» Fleiri tengdar fréttir

• Blogga um frétt