Ríkisstjórn Egyptalands hefur sagt af sér. AFP-fréttastofan greinir frá þessu, en frekari upplýsingar liggja ekki fyrir að svo stöddu. Fréttirnar eru sagðar koma frá forsetaembætti Egyptalands.

Afsögnin kemur aðeins nokkrum dögum eftir að landbúnaðarráðherra ríkisstjórnarinnar var handtekinn, sakaður um spillingu.

„Forsætisráðherrann Ibrahim Mahlab afhenti afsögn ríkisstjórnarinnar til forsetans, sem tók hana gilda,“ segir í yfirlýsingu frá forsetaembættinu, en engar frekari skýringar eru gefnar á afsögninni. Mahlab var beðinn um að starfa áfram sem forsætisráðherra til bráðabirgða þangað til búið væri að mynda nýja ríkisstjórn.

Tengdar fréttir

Egyptaland

Áratugur valdarána í Afríku

• Fékk 5 ára dóm en sat inni í tæp sex
• 40 drepnir eftir sprengjuárás
• 75 dæmdir til dauða í Egyptalandi
• 15 teknir af lífi í Egyptalandi

» Fleiri tengdar fréttir

• Blogga um frétt