Sjónvarpskokkurinn Nigella Lawson segir að líf hennar „bragðist nokkuð vel“ þessa dagana en tvö ár eru síðan hún skildi við eiginmann sinn. Hann sást leggja á hana hendur á veitingastað. Nokkru síðar þurftu  þau svo að mæta í dómsal til að útkljá mál gegn fyrrverandi aðstoðarmanni Nigellu.

Nigella er nú að fara gefa út sína tíundu matreiðslubók, Simply Nigella. Bókin kemur út í næsta mánuði og segir Nigella að boðskapur bókarinnar sé einmitt mjög einfaldur, eins og titillinn gefur til kynna.

„Bækurnar mínar hafa alltaf varpað ljósi á hvernig mér líður hverju sinni,“ sagði Nigella í viðtali við Mail on Sunday.