Skoðuðu herbergi Becky Watts
Setja bókamerki
Kviðdómendur fengu að skoða sig um í svefnherbergi Becky Watts í þrjár klukkustundir á dögunum en ákæruvaldið heldur því fram að þar hafi unglingsstúlkan verið myrt. Sky News segir frá þessu.
Fólkið fékk að skoða herbergi til þess að fá betri yfirsýn á það hvernig Watts var myrt og hvar líkið var falið en hin sextán ára Watts hvarf af heimili sínu í Bristol 19. febrúar sl. og var hennar leitað á stóru svæði.
Saksóknari í málinu lítur svo á að stjúpbróðir Watts, Nathan Matthews og kærasta hans, Shauna Hoare, hafi kæft Watts í svefnherberginu. Í kjölfarið fluttu þau lík hennar inn í bifreið þeirra og fóru með líkið heim til sín. Þar eiga þau að hafa sundurlimað líkið.
Leitinni að Watts lauk 2. mars þegar að lögregla fann marga líkamsparta falda í ferðatöskum og pokum í kofa á einkalóð í Barton Court. Meðlimum kviðdómsins var einnig sýnt baðherbergið þar sem talið er að Matthews og Hoare hafi sundurlimað lík stúlkunnar.
Síðan gengu þau með líkamspartana að kofanum í Barton Court. Kofinn hefur nú verið fjarlægður.
Aðalmeðferð stendur nú yfir. Í gær fengu kviðdómendur að sjá upptöku af því þegar að Hoare var yfirheyrð af lögreglu vegna málsins, viku eftir að Watts hvarf. Á upptökunni má sjá Hoare flissa og lýsa því hvernig Watts yfirgaf heimilið í „bræðikasti“ daginn sem hún hvarf.
Hún sagði einnig að hún og Matthews hafi pantað mat og spilað Monopoly daginn sem Watts hvarf. Hoare neitar að bera ábyrgð á dauða Watts. Matthews segist ekki hafa myrt stjúpsystur sína en segist hafa orðið valdur af dauða hennar.
Fyrri frétt mbl.is:
Sundurlimaði lík stjúpsystur sinnar
Sjö fluttir á sjúkrahús
Ráðamenn þurfa að hafa búið áður á staðnum
Kvika spáir í stýrivextina
Þyngra en tárum taki
Þingmenn stjórnarflokkanna funda á Þingvöllum
Borgarstjóri LA virti blaðamenn að vettugi
Bregðast við: Framtíð Grænlands „ræðst í Nuuk“