Maður sem er grunaður um að hafa stungið „lestarhetjuna“ Spencer Stone fyrir utan bar í Sacramento í Kaliforníu hefur nú verið handtekinn. Lögregla í Kaliforníu greindi frá þessu í dag. Stone öðlaðist heimsfrægð eftir að hann tók þátt í því að yfirbuga árásarmann í franskri lest í sumar.

Maðurinn sem var handtekinn heitir James Tran og er 28 ára. Hann er í haldi vegna gruns um tilraun til manndráps.

Stone var stunginn þrisvar í búkinn í átökum sem mynduðust fyrir utan barinn 8. október. Á upptökum eftirlitsmyndavéla mátti sjá Stone berjast við nokkra menn við vegamót en árásarmennirnir flúðu síðan af vettvangi. Stone undirgekkst tveggja tíma aðgerð en hann særðist lífshættulega í árásinni. Hann var útskrifaður viku síðar.

Að sögn lögreglu er talið líklegt að áfengi hafi haft sitt að segja varðandi upptök átakanna sem hófust inni á barnum. Ekkert bendir til þess að árásarmennirnir hafi vitað hver Stone var eða að hún tengist árásinni í Frakklandi. Tran er sá eini sem hefur verið handteknir en nokkrir aðrir voru yfirheyrðir.

Frétt Sky News. 

Teikningar af mönnunum sem réðust á Spencer Stone. Nú hefur annar þeirra verið handtekinn.

Tengdar fréttir

Byssumaður yfirbugaður í lest

Lagður inn á sjúkrahús rétt fyrir vitnaleiðslur

• Hetjur leika sjálfa sig í mynd Eastwood
• Par ákært fyrir að aðstoða hryðjuverkamann
• 4 handteknir vegna árásar í lest
• Handtóku 6 í tengslum við árás í lest

» Fleiri tengdar fréttir

• Blogga um frétt