Stjórnvöld í Rússlandi viðurkenndu í dag í fyrsta sinn að hryðjuverkaárás hafi hugsanlega grandað rússneskri farþegaþotu á Sínaí-skaga í Egyptalandi í lok síðasta mánaðar. 

„Sá möguleiki er náttúrulega fyrir hendi að um hryðjuverk sé ástæða þess sem gerðist,“ er haft eftir Dimitrí Medvedev, forsætisráðherra Rússlands, í frétt AFP en ummælin féllu í viðtali við rússneska ríkisdagblaðið Rossiyskaya Gazeta. Bresk og bandarísk stjórnvöld hafa ítrekað lýst því yfir að sprengja hafi að öllum líkindum valdið því að þotan fórst.

Egypsk stjórnvöld hafa hins vegar ítrekað hafnað því að hryðjuverkamenn hafi grandað farþegaþotunni. Engar sannanir sýni fram á það.

Tengdar fréttir

Rússnesk farþegaþota fórst á Sínaí-skaga

Rússar fá að keppa á Ólympíuleikum

• Flugvirki EgyptAir í haldi
• Herða eftirlit með flugvallastarfsmönnum
• Ekki hryðjuverkaárás
• Bókanir færst nær brottfarardegi

» Fleiri tengdar fréttir

• Blogga um frétt