Trump: Enga múslíma til Bandaríkjanna
Setja bókamerki
Frambjóðandi repúblikana, Donald Trump, hefur lagt það til að múslímum verði bannað að koma til Bandaríkjanna í kjölfar skotárásar í Kaliforníu í síðustu viku.
Trump, sem tekur þátt í forvali Repúblikanaflokksins fyrir forsetakosningarnar í Bandaríkjunum á næsta ári, hefur sent frá sér tilkynningu um að það eigi að útiloka múslíma þegar kemur að komu fólks til landsins. Bannið eigi að gilda allt þar til bandarísk yfirvöld hafi komist að niðurstöðu varðandi viðhorf múslíma til Bandaríkjanna.
Samkvæmt BBC ítrekaði Trump þessi skilaboð sín hátt og snjallt á fundi með kjósendum í Suður-Karólínu í gær við mikinn fögnuð stuðningsmanna.
Forsetaembætti Bandaríkjanna sendi frá sér tilkynningu í kjölfarið þar sem fram kemur að ummæli Trumps séu í andstöðu við bandarísk gildi og öryggi þjóðarinnar. Repúblikaninn Jeb Bush, sem einnig sækist eftir því að hljóta náð fyrir augum flokksbræðra sinna í næstu forsetakosningum, gagnrýnir ummæli keppinautarins og segir hann óáreiðanlegan.
Fimm á sjúkrahús og 62 handteknir í Amsterdam
„Áhugavert að sjá skjálfta þarna“
Konur og börn „næstum 70%“ látinna á Gasa
Þungt hugsi yfir ofbeldinu
Deiliskipulag úr gildi
Jón Ingi heimsmethafi í mynsturstökki
Einn á slysadeild eftir hópslagsmál
Skúli sýknaður en 780 milljóna greiðslum rift