Grikkir losna ekki við AGS
Setja bókamerki
Grikkir geta ekki losnað við aðkomu Alþjóðagjaldeyrissjóðsins að lánafyrirgreiðslum til Grikklands. Þetta sagði Klaus Regling, yfirmaður björgunarsjóðs Evrópusambandsins, í dag en forsætisráðherra Grikklands, Alexis Tsipras, sagði á dögunum að engin þörf væri á því að AGS kæmi að þeim málum. Vísaði ráðherrann til harðrar afstöðu stofnunarinnar þegar kæmi að kröfum um aðhaldsaðgerðir í Grikklandi vegna frekari lánveitinga.
Haft er eftir Regling í frétt AFP að fjárframlög frá AGS væru skiptu máli í þessu sambandi auk þess sem aðkoma stofnunarinnar væri nauðsynleg í ljósi regla björgunarsjóðsins og samkomulagsins sem gert var á milli Grikklands og alþjóðlegra lánadrottna þess í sumar. Alþjóðlegir lánadrottnar Grikkja eru auk AGS Evrópusambandið og Evrópski seðlabankinn. Þá bætti Regling við að hættan á að Grikkland yrði að segja skilið við evruna væri enn fyrir hendi á meðan nauðsynlegum umbótum væri ekki hrint í framkvæmd.
Stormur á Þorláksmessu en víðast hvar stefnir í hvít jól
„Börn heima sem maður myndi vilja hafa í skjóli“
Ók á hóp fólks á jólamarkaði: Einn látinn
Þetta eru ráðherrar ríkisstjórnarinnar
Stóðu skógarþjófa að verki
Ný ríkisstjórn kynnt á morgun
„Tímabil aukinnar eldvirkni“