Evrópuþingmaðurinn Jens Rohde hefur sagt sig úr Venstre og gengið til liðs við danska jafnaðarmenn vegna fyrirætlana stjórnvalda um að leggja hald á fjármuni og verðmæti flóttamanna umfram 3.000 danskar krónur.

Frétt mbl.is: Vilja leggja hald á verðmæti

Rohde sagði í samtali við Politiken að stjórnarflokkurinn hefði farið útaf sporinu og væri að stíga í vænginn við Danska þjóðarflokkinn, sem styður minnihlutastjórn Lars Løkke Rasmussen á þinginu.

Evrópuþingmaðurinn sagðist jafnframt uggandi yfir því að tillögurnar hefðu ekki farið meira fyrir brjóstið á Dönum. „Það getur ekki verið rétt að við sættum okkur við að þeir taki síðasta skartið og síðustu reisn flóttamanna þegar þeir koma til Danmerkur,“ sagði hann.

Frétt mbl.is: Snýst ekki um demanta og skart

Fyrirhuguðu löggjöf mun gefa yfirvöldum vald til að leita í fatnaði og farangri hælisleitenda og annarra sem hafa ekki dvalarleyfi, og leggja hald á verðmæti til að mæta kostnaði vegna móttöku fólksins.

Guardian sagði frá.

Tengdar fréttir

Á flótta

Veitingastaður við flóttamannabúðir vekur athygli

• Tólf farendur hurfu í Ermarsundið
• Kemur ekki til greina að semja við ESB
• Telur smyglara ekkert betri en hryðjuverkamenn
• Ástralska ríkið samdi við vafasöm fyrirtæki

» Fleiri tengdar fréttir

• Blogga um frétt