Sádi-Arabar hafa slitið diplómatískum tengslum landsins við Íran. Um þetta tilkynnti utanríkisráðherra Sádi-Arabíu, Adel al-Jubeir, fyrir skemmstu. Sagði hann að allir erindrekar Írans þyrftu að vera farnir frá Sádi-Arabíu innan tveggja sólarhringa.

Ákvörðun Sádi-Araba fylgir í kjölfar reiðiöldu sem beinst hefur gegn stjórnvöldum í Sádi-Arabíu vegna aftöku á sjítaklerk í gærmorgun. Múgur réðst á sendiráð Sádi-Arabíu í Tehran, höfuðborg Írans, í gær þegar mótmælt var aftökunni.

Sjítaklerkurinn Nimr al-Ni­mrs var tekinn af lífi í gær ásamt 46 öðrum og hafa stjórnmála- og trúarleiðtogar sakað yfirvöld í Sádi-Arabíu um að hafa ráðist viljandi á samfélag sjíta um allan heima.

Tengdar fréttir

Aftökur í Sádi-Arabíu

Tekinn af lífi fyrir dópsmygl

• Khamenei fordæmir árás á sendiráð
• Íranar fá ekki að fara til Mekka
• Ekki hægt að útiloka átök
• Aftakan hefur áhrif á olíuverð

» Fleiri tengdar fréttir

• 1 blogg um fréttina

Bloggað um fréttina

• Ægir Óskar Hallgrímsson: Af hverju ekki viðskiptabann á Saudi Araba..