Írönsk yfirvöld hafa bannað allan innflutning frá Sádi-Arabíu og bannað ferðir íranskra pílagríma til heilögu borganna Mekka og Medina. Var það gert í kjölfar ákvörðunar Sádi-Araba um að slíta á diplómatísk og innflutningstengsl við Íran eftir að ráðist var á sendiráð þeirra í Tehran.

Sádi-Arabía er ekki ein af stærstu viðskiptafélögum Írans en bannið gæti þó haft skaðleg áhrif. Sádi-Arabía hagnast um 18 milljarða bandaríkjadali á ári vegna ferðalaga pílagríma og eru Íranar einn af stærstu hópunum sem fer.

Frá Mekka. AFP

Talið er að um 600.000 Íranar fari til Sádi-Arabíu á hverju ári í pílagrímsför. Nú þegar er búið að aflýsa einhverjum flugferðum milli landanna.

Mikil spenna hefur verið á milli þjóðanna síðan að sádi-arabísk yfirvöld tóku sjítaklerkinn Nimr al-Nimr af lífi á laugardaginn. al-Nimr hafði gagnrýnt yfirvöld í Sádi-Arabíu og vakti aftaka hans gífurlega reiði, sérstaklega í löndum eins og Íran og Írak þar sem Sádi-Aröbum var mótmælt. Sádi-Arabar slitu tafarlaust á diplómatísk tengsl við Íran og fljótlega fylgdu Bahrain og Súdan. Þá hafa yfirvöld í Kúveit og Katar kallað sendiherra sína heim frá Tehran.

Frétt CNN. 

Pakistanskir súnní múslímar bera myndir af konungi Sádi-Arabíu á mótmælum í Islamabad í dag. AFP

Tengdar fréttir

Aftökur í Sádi-Arabíu

Tekinn af lífi fyrir dópsmygl

• Khamenei fordæmir árás á sendiráð
• Ekki hægt að útiloka átök
• Aftakan hefur áhrif á olíuverð
• Sprengjutilræði í moskum súnní-múslíma

» Fleiri tengdar fréttir

• Blogga um frétt