Nokkrir danskir grunnskólar hafa stytt skóladaginn og er það gert með heimild frá menntamálaráðuneytinu.
Barnablað Berlingske, Kids' News, fjallaði um lengd skóladagsins í dönskum grunnskólum á föstudag. Þar var rætt við skólabörn sem almennt voru sammála um að skóladagurinn væri of langur.
Einbeitingarskortur nemenda væri farinn að hafa áhrif á kennsluna undir lok dags og með því að stytta skóladaginn væri hægt að hafa tvo kennara í stofunni í stað eins áður. Það þýddi minni sérkennslu þar sem ábyrgðin dreifðist á tvo í stað eins kennara áður.
Samkvæmt frétt Berlingske eru bæði kennarar og foreldrar ánægðir með þessa breytingu sem er að eiga sér stað í skólakerfinu í einhverjum sveitarfélögum í Danmörku.