Pakistanskar hersveitir drápu í morgun 15 vígamenn í nokkrum í loftárásum nærri landamærum Afganistans, en aðgerðunum er beint gegn sveitum talibana og vígamönnum al-Qaeda þar í landi.

Fréttaveita AFP greinir frá því að loftárásirnar hafi verið gerðar í Alwara, Khar Tangi og Maizer. En árásir pakistanska hersins á sveitir talibana hófust fyrst í júní 2014 eftir árásir vígamanna á flugvöllinn í Karachi. Sú árás varð til þess að friðarviðræður milli stríðandi fylkinga sigldu í strand.

„Fimmtán hryðjuverkamenn féllu og átta felustaðir þeirra voru eyðilagðir í loftárásum dagsins,“ segir í tilkynningu sem hermálayfirvöld í Pakistan sendu frá sér og AFP hefur undir höndum.

Þá gerðu bandarískar hersveitir í gær einnig drónaárásir á búðir vígamanna innan landamæra Pakistans og særðu þar minnst einn.

Tengdar fréttir

Al-Qaeda

„Bandaríski talibaninn“ látinn laus

• Lífverði Bin Laden vísað úr landi
• Sérsveitarmenn réðust á liðsmenn al-Qaeda
• 1,2 milljónir dollara bætur fyrir drónaárás
• Al-Qaeda hótar Bill Gates

» Fleiri tengdar fréttir

• Blogga um frétt