Vígamenn Shebab-hópsins í Sómalíu hafa lýst yfir ábyrgð á sjálfsmorðssprengjuárás sem gerð var á hóteli í bænum Galkayo fyrr í dag, með þeim afleiðingum að sex létust, þar á meðal háttsettur embættismaður í bæjarstjórninni.

Vitni segja að mikil sprenging hafi orðið nærri kaffihúsi þar sem fólk hafði safnast saman til tedrykkju.

„Ég heyrði þungan hvell og svo sá ég líkamsparta ýmissa látinna, hlutar af þeim voru dreifðir um svæðið,“ segir einn íbúi í samtali við AFP.

Shebab, sem er með tengsl við hryðjuverkasamtökin al-Qaeda, berst fyrir því að hrinda ríkisstjórn landsins af stóli. Segist hópurinn bera ábyrgð á árásinni í tilkynningu sem útvarpað var á sérstakri útvarpsstöð vígamannanna.

Tengdar fréttir

Al-Qaeda

„Bandaríski talibaninn“ látinn laus

• Lífverði Bin Laden vísað úr landi
• Sérsveitarmenn réðust á liðsmenn al-Qaeda
• 1,2 milljónir dollara bætur fyrir drónaárás
• Al-Qaeda hótar Bill Gates

» Fleiri tengdar fréttir

• Blogga um frétt