Keppt um hver geti móðgað Erdogan mest

Breska tímaritið Spectator hefur heitið verðlaunum þeim höfundi sem tekst best upp við að móðga tyrkneska forsetann,  Recep Tayyip Erdogan með háðsádeiluljóði. Stutt er síðan Erdogan höfðaði mál á hendur þýskum grínista vegna hæðnisádeilu á hendur sér.

Verðlaunin nema 1.000 pundum er það einn af lesendum Spectator sem gefur verðlaunaféð.  

Böehrmann las háðsádeilu­ljóð um Er­dog­an á þýsku sjónvarpsstöðinni ZDF í lok síðasta mánaðar. Sagði hann þar Er­dog­an hafa haft kyn­mök við geit­ur og kind­ur, horft á barnaklám og beitt kon­ur of­beldi. 

Böehmermann nýtur nú lögregluverndar og Ang­ela Merkel Þýska­landskansl­ari hef­ur heim­ilað þýsk­um sak­sókn­ur­um að höfða mál á hend­ur Böehrmann fyr­ir móðgun við er­lend­an þjóðhöfðingja.

Í yf­ir­lýs­ingu sem Ang­ela Merkel sendi frá sér sagði hún að með því að heim­ila sak­sókn­ur­um sé hún ekki að taka af­stöðu til máls­ins, held­ur sé það í hönd­um sak­sókn­ara og dóm­stóla.

Douglas Murray, pistlahöfundur hjá Spectator, sagði er hann tilkynnti um keppnina að „sú staðreynd að það sé yfirhöfuð hægt að hugleiða réttarhöld sýnir að Þýskaland er orðið lítið meira en eitt af héruðum Erdogans.“   

„Ég er Breti og borin frjáls …. Og til að heiðra þá staðreynd þá er ég búin að eyða helginni í að semja dónalegar limrur um Erdogan,“ heldur Murray áfram.

„Og mig langar hér með til að bjóða öllum lesendum að taka þátt með mér í stórri limrukeppni um Erdogan."

Frá því að Erdogan tók við embætti forseta Tyrklands 2014 hafa hátt í 2.000 kærur verið lagðar fram vegna móðgunar við forsetann. Þá hafa málaferlin gegn Böehmermann vakið upp umræðu um málfrelsi í Þýskalandi.

Sakaði Erdogan um mök við dýr

• Blogga um frétt