Kallað er eftir því að ráðist verði á bandarískan efnahag í nýjasta tölublaði nettímarits hryðjuverkasamtakanna Al-Qaeda. Eru liðsmenn samtakana hvattir til þess að drepa leiðtoga í bandarísku efnahagslífi og frumkvöðla, m.a. Bill Gates.

Greinin birtist í nýjasta tölublaði Inspire á laugardaginn. Þá er kallað eftir „fagfólki í aftökum“ og sýnd mynd af manni með hettu, horfa inn á heimili úr fjarlægð. Þá má einnig sjá mynd af stofnanda Microsoft, Bill Gates þar sem búið er að bæta við byssu og blóðpolli.

MEMRI-samtökin sem rannsaka fjölmiðla í Mið-Austurlöndum hafa skoðað tölublaðið og segja það innihalda nákvæmar upplýsingar um hvernig eigi að taka fólk af lífi.

Vitnað er í ritstjóra Inspire, Yahya Ibrahim sem segir að spámaðurinn hafi fyrirskipað drápin á glæpaleiðtogum og gaf í skyn að bandarískir athafnamenn ættu heima í þeim flokki.

„Við munum aldrei leggja niður vopn okkar fyrr en við fullnægjum óskum Allah,“ skrifar Ibrahim.

Í tímaritinu má einnig fræðast um sprengjugerð. Inspire er gefið út af Al-Qaeda samtökunum á Arabaskaganum sem einblínir á árásir gegn Bandaríkjunum.

Frétt Sky News.

Tengdar fréttir

Al-Qaeda

„Bandaríski talibaninn“ látinn laus

• Lífverði Bin Laden vísað úr landi
• Sérsveitarmenn réðust á liðsmenn al-Qaeda
• 1,2 milljónir dollara bætur fyrir drónaárás
• Sex létust í sjálfsmorðssprengjuárás

» Fleiri tengdar fréttir

• Blogga um frétt