Íhuga kæru vegna Mein Kampf
Setja bókamerki
Þýskir saksóknarar eru að rannsaka hvort þeir muni leggja fram kæru gegn útgefanda sem ætlar að endurútgefa bók Adolfs Hitlers, Mein Kampf, án þess að láta fylgja með skriflegar athugasemdir um boðskap hennar.
Ólöglegt er að endurútgefa bókina vegna þess gyðingahaturs sem þar er að finna en þrátt fyrir það var leyfð sala á nýrri útgáfu bókarinnar fyrir sagnfræðinga fyrr á þessu ári.
Útgefandinn Der Schelm, sem er staðsettur í Leipzig í Þýskalandi, er þegar byrjaður að taka við pöntunum á bókinni á vefsíðu sinni.
Mein Kampf er að hluta til sjálfsævisöguleg bók. Þar greinir Hitler frá hugmyndafræði sinni sem lagði grundvöllinn að nasismanum. Hún var samin árið 1924 þegar hann var í fangelsi í Bæjaralandi vegna landráðs.
Bandamenn afhentu héraðsstjórninni í Bæjaralandi höfundarréttinn að bókinni eftir seinni heimsstyrjöldina og í 70 ár neitaði hún að leyfa endurútgáfur á henni af virðingu við fórnarlömb nasista og til að forðast að egna til haturs. Höfundarréttur bókarinnar rann út 1. janúar síðastliðinn.
Frétt mbl.is: Mein Kampf gefin út aftur í Þýskalandi
„Tímabil aukinnar eldvirkni“
Skattamál verði líklega „þeirra mesta klemma“
Bjarni: „Útilokað að þetta geti gengið upp“
Funda með þingflokkum
„Börn heima sem maður myndi vilja hafa í skjóli“
Stormur á Þorláksmessu en víðast hvar stefnir í hvít jól
Beint: Ný ríkisstjórn tekin við völdum
Ók á hóp fólks á jólamarkaði: Einn látinn
