Leitarteymi á Miðjarðarhafinu hefur numið neyðarsendingu sem talin er koma frá farþegaþotu EgyptAir sem fórst í síðustu viku. Yfirrannsakandi flugslyssins segir að þetta þrengi leitarsvæðið niður í fimm kílómetra radíus.

Þetta þýðir þó ekki að svörtu kassar vélarinnar hafi fundist. Ayman al-Moqadem yfirrannsakandi segir háþróaða tækni þurfa til þess að finna þá. Merkið sem menn hafi greint komi frá sendi á vélinni sem gefur upp staðsetningu hennar.

Frönsk flugslysarannsóknayfirvöld hafa sagt að sérhæft skip muni aðstoða við leitina að svörtu kössum flugvélarinnar.

Allir 66 farþegar flugvélarinnar eru taldir af eftir að Airbus A320-vélin hvarf í síðustu viku.

Tengdar fréttir

Farþegaþota EgyptAir hrapar

Ryanair gerði stórinnkaup á 737 MAX-vélum

• Maxinn fer í loftið í vor
• Lögðu líf almennings í hættu
• Öryggislending vegna sprengjugabbs
• Fundu leifar af sprengiefni

» Fleiri tengdar fréttir

• Blogga um frétt