Rúmlega milljón manns hafa skrifað undir áskorun þar sem kallað er eftir að dómari verði vikið frá störfum, en hann dæmdi karlmann aðeins í sex mánaða fangelsi fyrir að nauðga rænulausri konu á lóð Stanford-háskóla í Bandaríkjunum.

Dómarinn, Aaron Persky, hefur verið harðlega gagnrýndur vegna þessa, en saksóknarar fóru fram á sex ára dóm.

Atvikið átti sér stað í janúar fyrra og var tvítugur háskólanemi, Brock Turner, ákærður fyrir kynferðisbrot, en hann braut gegn konunni á bak við ruslagám á háskólalóðinni. Hann var sakfelldur í mars sl. en 2. júní var hann dæmdur í hálfs árs fangelsi.

Tveir nemendur sáu Turner brjóta af sér. Hann reyndi þá að flýja en hann náðist á hlaupum. Hann játaði svo sök við aðalmeðferð málsins. 

Fram kemur á vef BBC, að undirskriftarlistinn, og aðrir undirskrifarlistar sem hafa verið stofnaðir, hafi ekkert lagalegt gildi en skipuleggjendur vonast til þess að undirskriftirnar muni þrýsta á og hvetja stjórnmálamenn til að bregðast við. 

Persky, sem er dómari við æðstarétt í Santa Clara-sýslu í Kaliforníu, hefur hlotið hótanir í kjölfar málsins, m.a. hefur honum verið hótað lífláti. 

Aðgerðarsinnar og baráttuhópar fyrir mannréttindum halda því fram að ástæðan fyrir því að dómarinn tók svona vægt á málum Turners, sé sú að Turner eigi auðuga hvíta fjölskyldu auk þess sem hann hafði átt góðu gengi að fagna sem sundkappi í skóla. 

Undirskriftarlistinn, sem birtur er á Change.org, segir að Persky hafi mistekist að senda þau skilaboð út til samfélagsins að kynferðisofbeldi sé lögbrot óháð stétt, kynþætti og kynferði.

Biden skrifar fórnarlambinu 

Tengdar fréttir

Kynferðisbrot

Samþykkir beiðni um áfrýjun í kynferðisbrotamáli

• Sjö ára dómur yfir Theodóri staðfestur
• Streymi: Kynferðisofbeldi gegn börnum með notkun gervigreindar
• Sendi ítrekað typpamyndir á 15 ára stúlku
• Braut ítrekað á barnungri náfrænku sinni

» Fleiri tengdar fréttir

• Blogga um frétt