Donald Trump, sem að öllum líkindum verður forsetaefni repúblikana í forsetakosningunum vestanhafs síðar á þessu ári, segist ekki vilja fá hamingjuóskir fyrir að hafa rétt fyrir sér, í kjölfar skotárásarinnar í Orlando aðfaranótt sunnudags. Þetta segir hann í færslu á Twitter-reikningi sínum.

Trump hefur tjáð sig nokkuð um árásirnar á samskiptamiðlinum og segir árásina einungis vera byrjunina. Bandarísk stjórnvöld séu veikbyggð og hann hafi spáð þessu fyrir og kallað eftir því að múslimum yrði meinaður aðgangur að Bandaríkjunum.

Þá gagnrýnir hann bæði Hillary Clinton, sem verður að öllum líkindum mótframbjóðandi hans í forsetakosningunum, og sitjandi forseta, Barack Obama, fyrir að neita að tala um hryðjuverk róttækra íslamista. Clinton hefur nú svarað Trump og segist vel geta notað þessi orð. „Frá mínum bæjardyrum séð skiptir meira máli hvað við gerum en hvað við segjum“, segir hún í samtali við CNN. „Það skipti máli að við náðum bin Laden, ekki hvað við kölluðum hann. Hvort sem þú kallar það róttækan jíhadisma eða róttækan íslamisma, ég skal glöð segja hvort tveggja.“

Tengdar fréttir

Skotárás í Orlando

Sýknuð fyrir aðild að árásinni á Pulse

• Vettvangi fjöldamorðs breytt í safn
• Eiginkona Orlando-byssumannsins handtekin
• „Ég vissi ekkert“
• Rukka ekki lækniskostnað vegna árásar

» Fleiri tengdar fréttir

• Blogga um frétt