Spretthlauparinn Oscar Pistorius getur ekki borið vitni í eigin réttarhöldum þar sem hann þjáist af kvíða og þunglyndi. Réttarhöld yfir Pistorius hófust í Pretoria, höfuðborg Suður-Afríku, í dag.

Pistorius  var dæmd­ur í fimm ára fang­elsi fyr­ir mann­dráp af gá­leysi fyr­ir að valda dauða kær­ustu sinn­ar, Reevu Steenkamp. Í des­em­ber í fyrra ákvað dóm­ari hins veg­ar að sak­fella hann fyr­ir morð og nú er komið að því að ákveða refs­ingu hans. 

Pistorius kom í dómsal í dag í lögreglufylgd. Sálfræðingurinn Jonathan Scholtz, sem veitir sérfræðiálit fyrir vörnina, segir Pistorous þó ekki geta borið vitni við réttarhöldin þar sem hann þjáist af kvíða og þunglyndi í kjölfar þess að hafa banað Steenkamp.

Reyna að fá Pistorius dæmdan til spítalavistar

Segir á fréttavef CNN að verjendur Pistorius séu með þessu að reyna að forða honum frá lengri fangelsisvist og að reyna að fá Pistorius þess í stað dæmdan til spítalavistar. Lágmarksrefsing fyrir morð í Suður-Afríku er 15 ár en dómarar geta þó tekið geðþóttaákvörðun um að veita vægari dóm.  

Í vitnisburði sínum sagði Scholtz að Pistorius væri enn á lyfjum vegna áfallastreituröskunar og þunglyndis og að hann sækti huggun í þá vitneskju að Steenkamp væri nú hjá guði.

Sagði hann að Pistorius, sem var þekktur vopnasafnari, vildi aldrei snerta á byssu framar og að hann hefði selt allt vopnasafn sitt.

Oscar Pistorius grét við réttarhöldin í dag en sálfræðingur hans segir hann illa haldinn af kvíða og þunglyndi. AFP

Tengdar fréttir

Oscar Pistorius

Pistorius laus úr fangelsi

• Mótfallin reynslulausn Pistorius
• Pistorius í 13 ára fangelsi
• Segir dóminn „fáránlega vægan“
• Fjölskylda Pistorius ósátt

» Fleiri tengdar fréttir

• Blogga um frétt