Barack Obama, forseti Bandaríkjanna, segir að engar beinar sannanir séu fyrir því að Omar Mateen, sem skaut 49 manns til bana á skemmtistað í Orlando í gær, hafi lútið stjórn hryðjuverkasamtakanna Ríkis íslams.

Hann sagði á fréttamannafundi síðdegis í dag að skotárásin, sem er sú mannskæðasta í sögu Bandaríkjanna, væri rannsökuð sem hryðjuverk.

Bandaríkjaforseti benti á að Mateen gæti hafa verið undir áhrifum íslamskrar öfgastefnu, sem hann gæti hafa fengið að kynnast á internetinu, en ekkert benti til þess að honum hefði verið stjórnað af samtökunum alræmdu. Hann væri ekki hluti af stærri fléttu.

Ríki íslams lýstu í morgun yfir ábyrgð á ódæðinu í Orlando. „Einn af hermönnum kalífadæmisins“ hafi framið voðaverkin.

Fréttamiðill samtakanna, Amaq, sagði í gær að Mateen hefði verið vígamaður Ríkis íslams. Bandarískir fjölmiðlar hafa fullyrt að áður en Mateen lét til skarar skríða hafi hann hringt í bandarísku neyðarlínuna, 911, og lýst yfir hollustu sinni við Ríki íslams.

Bandaríska alríkislögreglan hefur tvívegis haft hann til rannsóknar.

Tengdar fréttir

Skotárás í Orlando

Sýknuð fyrir aðild að árásinni á Pulse

• Vettvangi fjöldamorðs breytt í safn
• Eiginkona Orlando-byssumannsins handtekin
• „Ég vissi ekkert“
• Rukka ekki lækniskostnað vegna árásar

» Fleiri tengdar fréttir

• Blogga um frétt