Oscar Pistorius þarf að gjalda fyrir að hafa drepið kærustu sína, Reeva Steenkamp, á Valentínusardaginn 2013 . Þetta sagði faðir Steenkamp frammi fyrir dómara í dag á meðan hann barðist við tárin.

Pistorius hefur verið fundinn sekur um að hafa drepið Steenkamp en var fyrst dæmdur sekur um manndráp. Því var snúið við og á föstudaginn verður dómurinn kveðinn upp. Pistorius gæti fengið dóm upp á allt að 15 ár í fangelsi.

Við réttarhöldin í dag óskaði Barry Steenkamp eftir því að myndir af líki dóttur hans yrðu birtar opinberlega svo að fólk gæti séð sárin.

Að sögn blaðamanna á staðnum brast Steenkamp í grát þegar hann bar vitni og sagðist hugsa um dóttur sína „á morgnanna, hádeginu og á kvöldin...hverja klukkustund.“

Þá sagðist hann jafnframt ekki eiga í sambandi við fyrrverandi tengdason sinn en sagði að eiginkona sín, June, hafði getað fyrirgefið íþróttakappanum.

„En þú verður að skilja að fyrirgefning leysir þig ekki undan glæpnum,“ bætti hann við.

Frétt BBC.

Tengdar fréttir

Oscar Pistorius

Pistorius laus úr fangelsi

• Mótfallin reynslulausn Pistorius
• Pistorius í 13 ára fangelsi
• Segir dóminn „fáránlega vægan“
• Fjölskylda Pistorius ósátt

» Fleiri tengdar fréttir

• Blogga um frétt