Reykur í þotu EgyptAir
Setja bókamerki
Upptökur úr flugrita farþegaþotu EgyptAir, sem hrapaði í Miðjarðarhafið í síðasta mánuði, staðfesta að reykur var um borð í þotunni, að sögn egypskra rannsakenda.
Sjálfvirkt viðvörunarkerfi gaf til kynna að reykur hafi verið í nefi þotunnar og að eitthvað hafi verið að stjórnunarkerfi hennar.
Skilaboðin úr kerfinu gáfu til kynna að reykur hafi verið í framhluta vélarinnar, sérstaklega í salerni og vélarrými fyrir neðan flugstjórnarklefann. Reykskynjarar þar hafi farið í gang aðeins nokkrum mínútum áður en þotan hvarf af ratsjá.
Rannsakendurnir segja að upptökurnar úr flugritanum séu í samræmi við þessi skilaboð.
Þotan, sem er af gerðinni Airbus A320, hrapaði til jarðar 19. maí síðastliðinn. Sextíu og sex manns voru um borð.
Þotan var á leið frá París til Kaíró þegar hún hvarf af ratsjá.
Drónamyndskeið frá hápunkti gossins í nótt
Mjög alvarlegt ef Njarðvíkuræð gefur sig
Myndir: Grindavíkurvegur aftur undir hraun
Hótar Bretum og Bandaríkjamönnum
Fullvissa ferðamenn um að hér sé öruggt
Litlar líkur á að hraunið nái til mannvirkja
Maskína: Framsókn í fallbaráttu
Börn hafi engan rétt á leikskólakennslu