21 árs Pokémon-þjálfari, Michael Baker, varð fyrir stunguárás í Oregon í Bandaríkjunum þegar hann var á Pokémon-veiðum í tölvuleiknum Pokémon Go.

Baker var á göngu þegar hann gekk fram á annan mann, sem hann taldi að gæti einnig verið að spila leikinn. „Ég spurði hvort hann væri að spila Pokémon Go. Hann sagði „hvað?“ og dró upp hníf.“

Baker leitaði ekki læknisaðstoðar strax eftir stunguna, því hann vildi halda áfram að leita að Pokémonum. Hann segist ætla að fara varlega í framtíðinni, en mun halda áfram að vinna að markmiði sínu; að fanga alla Pokémonana.

Lögregla hefur ekki haft hendur í hári árásarmannsins og segist ekki geta gefið út neinar upplýsingar um málið.

Frétt KPTV um málið.

Tengdar fréttir

Pokémon

Auðveldara að finna Pokémon í kirkjunni en Jesú

• Fangelsaður fyrir Pokémon-leit í kirkju
• Ströndin tekin út af Pokemon kortinu
• Helmingur ungmenna spilað Pokémon Go
• Fimm ár fyrir Pokémon-veiðar í kirkju

» Fleiri tengdar fréttir

• Blogga um frétt