Tyrknesk þyrla lenti í Grikklandi
Setja bókamerki
Tyrknesk herþyrla hefur lent í Grikklandi með átta menn um borð sem hafa óskað eftir hæli í landinu, samkvæmt upplýsingum grísku lögreglunnar.
Þyrlan, af tegundinni Black Hawk, sendi neyðarkall til yfirvalda við flugvöllinn í Alexandroupolis sem er í norðurhluta Grikklands.
Sjö af þeim sem voru um borð voru í herbúningum og talið er að allir hafi þeir tekið þátt í valdaránstilrauninni í Tyrklandi.
Tyrknesk stjórnvöld hafa krafist þess að Grikkir framselji mennina til Tyrklands.
„Við höfum óskað eftir því að Grikkir framselji landráðsmennina átta eins fljótt og mögulegt er,“ sagði Mevlut Cavusoglu, utanríkisráðherra Tyrklands.
Samkvæmt háttsettum starfsmanni í varnarráði Grikkja verður þyrlan send aftur til Tyrklands „þegar í stað“.
Alexis Tsipras, forsætisráðherra Grikklands, lýsti í morgun yfir stuðningi sínum við „lýðræðislega kjörin“ stjórnvöld í Tyrklandi.
Ekki alltaf tekist að manna bráðavakt lækna
„Engin auðveld leið“ til að takast á við netsvik
Sannfærð um að „gullmolar“ leynist í tillögunum
Andlát á hjúkrunarheimili ekki alvarlegt tilfelli
Mesta vatnshæð frá upphafi mælinga
Hljóta að sjá að ekki sé hægt að stoppa þetta
Inflúensan sækir í sig veðrið