Rúmlega tvítugur maður hefur verið handtekinn í Toulouse í tengslum við morðið á presti í Normandí í síðasta mánuði.

Maðurinn sem var handtekinn á mánudaginn er 21 árs og herma heimildir innan úr röðum lögreglunnar að hann hafi verið í sambandi við morðingjana, Abdel Malik Petitjean og Adel Kermiche,  en báðir lýstu yfir hollustu við vígasamtökin Ríki íslams skömmu áður en þeir réðust inn í kirkjuna.

Árásarmennirnir létu prestinn, Jacques Hamel 85 ára, krjúpa við altarið fyrir framan kirkjugesti og skáru hann á háls. Árásarmennirnir, sem báðir voru nítján ára, voru skotnir til bana af lögreglu. 

Frændi Petitjeans, Farid K., hefur verið í gæsluvarðhaldi frá 31. júlí, sakaður um að tengjast hryðjuverkastarfsemi.

Kermiche bjó skammt frá kirkjunni en hann var með rafrænt ökklaband sem var slökkt á þegar árásin var gerð. Hann og  Petitjean kynntust í gegnum dulkóðuð skilaboð á Telegram.

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

Gíslataka í kirkju í Frakklandi

Air France og Airbus sótt til saka fyrir manndráp

• Þúsundir minntust franska prestsins
• Múslimar sóttu kaþólskar messur
• Neita að jarða árásarmanninn
• Íhugar tímabundið bann gegn erlendri fjármögnun moska

» Fleiri tengdar fréttir

• Blogga um frétt