Sonur eiturlyfjabarónsins Joaquin „El Chapo“ Guzman var á meðal þeirra sem var rænt af öldurhúsi í borginni Puerto Vallarta í Mexíkó í gær. Þetta hafa mexíkósk yfirvöld staðfest.

Fram kemur í frétt AFP að sjö vopnaðir karlmenn hafi ekið upp að öldurhúsinu við sólarupprás og haft á brott með sér sex einstaklinga. Yfirvöld telja að mannránið sé hluti af uppgjöri á milli glæpahringja. Sonurinn heitir Jesus Alfredo Guzman Salazar og er 29 ára gamall.

Haft er eftir saksóknaranum Eduardo Almaguer að kennsl hafi verið borin á fjóra af þeim sex sem rænt var. Þar á meðal Guzman Salazar.

Joaquin „El Chapo“ Guzman. AFP

Tengdar fréttir

Eiturlyfjabarón á flótta

Bróðir forsetans í lífstíðarfangelsi

• Áfrýjar lífstíðarvist í „gúlagi“
• „Sá stutti“ í lífstíðarfangelsi
• „El Chapo“ sakfelldur í New York
• Sagður hafa nauðgað ungum stúlkum

» Fleiri tengdar fréttir

• Blogga um frétt