Fimm ný tilfelli Zika-veirunnar hafa komið upp í Miami í Flórída sem gefur til kynna að sjúkdómurinn sé að breiðast út. Þetta sögðu yfirvöld í Flórída á föstudag.

„Þetta þýðir að við höfum nýtt svæði af svæðisbundinni útbreiðslu,” sagði ríkisstjórinn Rick Scott á blaðamannafundi í dag.

Heilbrigðisstofnun Flórída sagði að búið sé að staðfesta að fimm einstaklingar hefðu smitast af Zika-veirunni á Miami Beach. Fjöldi Zika-tilfella er nú kominn upp í 36 í Flórída en helsti smitberi sjúkdómsins eru moskítóflugur. Sjúkdómurinn smitast einnig við samfarir.

Svæðið þar sem svæðisbundna smitið á Miami Beach hefur komið upp er um 4 ferkílómetrar að stærð. Í flestum tilfellum veldur Zika aðeins mildum sjúkdómseinkennum fyrir þá sem greinast með veiruna en í tilfelli þungaðra kvenna getur það valdið smáheila í börnum. Afleiðingar heilkennisins eiga eftir að koma betur í ljós en þroski barna sem hafa greinst með heilkennið er takmarkaður og er óvíst hvort meðferðir sem þau fá muni breyta nokkru þar um.

Tengdar fréttir

Zika-veiran

Zika greinist í Evrópu

• Fleiri börnum hætta búin af zika-veirunni
• Zika-veiran gæti læknað fullorðna
• Telja zika ekki lengur alþjóðlegt neyðarástand
• Moskítóher gegn Zika-veirunni

» Fleiri tengdar fréttir

• Blogga um frétt