Tyrkir hófu árásir á vígasveitir Ríkis íslams í norðurhluta Sýrlands í gærkvöldi og hafa borist fregnir af því að sýrlenskir uppreisnarmenn ætli að ráðast til atlögu gegn vígasamtökunum frá Sýrlandi.

Árásir Tyrkja voru gerðar frá Tyrklandi og beindust bæði gegn Ríki íslams sem og vopnuðum hópi Kúrda í Sýrlandi, Varnarsveitum þjóðarinnar (YPG), í bæjunum Jarablus og Manbij.

BBC hefur heimildir fyrir því að um 1.500 sýrlenskir uppreisnarmenn, sem njóta stuðnings frá Tyrklandi, séu komnir til bæjarins Gaziantep, tilbúnir til þess að ráðast til atlögu. Á laugardag létust yfir 50 brúðkaupsgestir í Tyrklandi, skammt frá landamærum Sýrlands og saka tyrknesk yfirvöld Ríki íslams um að bera ábyrgð á tilræðinu. Tvennum sögum fer hins vegar af því hvort sjálfsvígsárásarmaðurinn þar hafi verið á barnsaldri eða fullorðinn og eins hvort Ríki íslams standi á bak við árásina eða aðrir vígahópar. 

Forsætisráðherra Tyrklands, Binali Yildirim, sagði í gær að stjórnvöld í Ankara gætu ekki staðfest hvaða vígasveit stæði á bak við árásina en daginn áður hafði forseti Tyrklands, Recep Tayyip Erdogan, haldið því fram að Ríki íslams hafi verið þar að verki og árásarmaðurinn hafi verið 12 til 14 ára gamall. Yildrim sagði í gærkvöldi að þetta hafi ekki verið rétt og ekkert hægt að staðfesta þar um.

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

Sprengjuárás í Gaziantep

Stórsókn á Ríki íslams

• 29 fórnarlambanna börn og unglingar
• Fordæmdu hryðjuverkaárásina
• Breyttu brúðkaupinu í blóðbað
• 12 til 14 ára barn í sprengjuvestinu

» Fleiri tengdar fréttir

• Blogga um frétt